ég sem ritari félagsins ber víst að krota niður fundargerð fyrsta opinbera fundar.
Formaður setti fundinn kl. 19:05 eða þegar hann kom! Um svipað leyti skipaði stjórnin með sér embættum innan félagsins á bróðurlegan hátt. Freyjudraumurinn er formaður, Tögguleðjan er varaformaður og saman eru þau framkvæmdavald félagsins. Bíótaggan er gjaldkeri félagsins og er prófkúra þess. Hrauntaggan er að lokum ritari. Þar sem slétt tala er á félagsmönnum var það ákveðið samhljóða að formaður hefði tvöfalt vægi í ósamhljóða málum.
Næsta dagskrármál var næsti fundur, en ákveðið var að halda hann á árshátíð félagsins á Tenerife í lok júni. Gjaldkeri fer strax í það mál að finna styrktaraðila til þess að greiða ferðina niður.
Gert var matarhlé á fundinum um 19:30 og var þá borin fram úrvals humarsúpa að hætti Hlöðvers. Því næst var lambafille, nautalundir og kjúklingabringa ásamt meðlæti snædd. Í eftirrétt var Englakaka með ís og jarðaberjum að hætti Erlu. Það heyrðist á félagsmönnum að annan eins mat hefðu þeir ekki smakkað.
Í miðjum eftirréttinum kom fyrsti leynigestur kvöldsins en það var enginn annar en Mási frændi. Hann var í boði Tögguleðjunar. Upp úr þessu var ákveðið að slíta fundi upp úr 21:00.
Leynigestirnir komu hver að öðrum upp úr 21:30, Haukur og Lauga í boði Bíótöggunnar, Ármann í boði Draumsins, Kommi í boði Hraunsins og að lokum birtist Ómar og Íris Björk í boði Draumsins "óvænt". Um 22-23 (tímaskyn ritara ógreinilegt) vakti myndasýning Bíósins mikla lukku og kátínu.
Kvöldið heppnaðist í alla staði frábærlega þrátt fyrir mikla eftirvæntingu og kvöddu nefndarmenn Ægisíðuna rétt yfir 06:00.
Ritari Freyjufélagsins
Andri Sigfússon, aka Freyjuhraunið
1 ummæli:
Að öllu leiti eðlilegt
Skrifa ummæli