Ég vil byrja á að lýsa óánægju með dræmar undirtektir við annars fínni grein minni á föstudaginn. Mjög lélegt af hæstvirtum formanni og háttvirtum gjaldkera.
Formaður vor kom með mjög slaka hugmynd í lok vikunnar; senda út boðskort til stofnmeðlima sem og leynigesta. Hafa þetta svolítið formlegt. Jafnvel að senda heiðursfélögum einnig boðskort. Ég hitti þau um helgina og voru þau vægast sagt í öðrum hugleiðingum...einmitt. Þau hlakka ekkert til....
Hvernig hljóma þessa tímasetningar? 17:30 fordrykkur. 18:30 matur. 21:00 leynigestir. (ath smá breyting frá fyrri hugmynd) og 23:00 gestir.
5 ummæli:
Háttvirtur ritari og aðrir lesendur,
Vildi byrja á hrósa ritara fyrir einstaklega skemmtilegar greinar og afsaka hér með dræmar undirtektir. Ég samþykki ofangreindar tímasetningar(með einu t-i, góður).
Boðkortin eru verulega góð hugmynd, legg til að formaður setti þá hugmynd í framkvæmd. Undirritaður hefur hafið vinnslu á ársmyndbandi Freyjunnar, sem verður frumsýnt eftir 10 daga.
Spennan er farin að magnast, en það er samt alveg spurning að taka einn undirbúningsfund á Pizza Company bráðlega.
kv. Háttvirtur ritari
Mér líst (með einföldu Í-i) mjög vel þessa hugmynd gjaldkera (greinilegt að gjaldkeri ruglaðist á gjaldkera og ritarastarfi Freyjuklúbbsins).
Ég var einmitt að undrast á ritara að hann skildi ávarpa sjálfan sig í upphafi erindisins.
Kæru lesendur
Sem háttvirtur varaformaður langar mig einnig að hrósa háttvirtum ritara fyrir mjög svo áhugarverðar og skemmtilegar greinar ljósi þess að aðalfundur nálgast.
Boðskort er frábær hugmynd. Það er spurning að ákveða hve mörg boðskort þarf að framleiða því við veljum af kostgæfni heiðursgesti og aðra utanaðkomandi. Engar fyllibyttur! (bara dannað fólk) ......einmitt
Veitingarhúsið Ægisíðan hefur ákveðið matseðilinn en það kemur víst allt í ljós þegar nær dregur aðalfundi, samkvæmt yfirmatreiðslumeistara hússins Hlöðver Ólafssyni.
Ég verð í stöðugu sambandi við veitingarhúsið og mun ég taka að mér mikilvægasta hlutverkið að skipuleggja allt á Ægisíðunni ásamt eigendum.
Bestu kveðjur,
Háttvirtur varaformaður
Það er eitt atriði í viðbót fyrir ritara.
Fínt hjá þér að setja þessa eðlilegu mynd af mér. Takk fyrir ekki neitt!!!
Skrifa ummæli